شيسوون البنات والشباب اذا رن جرس الفسحة

ها شرايكم .. تبون تعرفون شيسوون البنات والشباب اذا رن جرس الفسحة ..


البنات ..

اول ما يرن جرس الفسحة

- تشوف شلة بنات داشين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس ..

- كل بنية تمشي وفي مخباها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تسوي تليفون للدكان اللي على الشارع ..

- والبنات الاذكية البوحمص اول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت رفيجتها غايبة فيه ..

- وبعض البنات اتشوفهم متحذفين وراالصفوف يحلون واجب الرياضيات اللي ماحلوه في البيت ..

- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع خربان ..


خلونا من البنات وانروح انشوف شيسووون الشباب في الفسحة ..

- تحصل واحد منهم راقد طول الحصة واول مايرن الجرس يدعي على اليوم اللي دش فيه المدرسة
( لان حلمه انقطع بسببهم )

- واثنين من الصبيان ينطرون متى يروح المدير اللي صار له واقف ساعة جدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم دكان في طريجهم وبعد نص ساعة يرجعون المدرسة ..

- وشلة تروح وتره المدرسة ويتمون يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابهاتهم .

- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني )

سلامي

تشكر اخوي ع الموضوع الجميل وفي اشياء واجد ماذكرتها

تسلم أخويي ع المرور طبعآ أشياء واجد ماذكرتها لأن لو ذكرتها بخلص عقب يومين لان حركاتهم كثيرة
ههههههه

هههههه مايخلصون خصوصا البنات
هع..

ههه تسلم ابو خليل ع الموضوع الله يخليك الينا يا رب

تحياتي....

ههههههههه
يعطيك العافية

ههه تسلم ابو خليل ع الموضوع
تحياتي

هههههههه مشكوور اخويي على الموضوع تسلم ما تقصر ابو خليل

هههههههههههه
مشكور اخويي على المعلومه